Bhau Kadam’s upcoming movie ‘VIP Gadhav’

अवघ्या महाराष्ट्रातील कॉमेडी किंग अर्थात अभिनेता भाऊ कदम . उत्तम टाईमिंग मुळे त्यांनी संपूर्ण महाराष्ट्राला नेहमीच खळखळून हसवले आहे. छोटया पडद्यावरील त्यांच्या अतिउत्तम कामगिरी मुळे ते पुन्हा एकदा रुपेरी पडद्यावर प्रमुख भूमिकेतून प्रेक्षकांच्या भेटीला येत आहे. ‘व्हीआयपी गाढव’ या कल्पराज क्रिएशन प्रस्तुत, डॉ. रणजीत सत्रे आणि डॉ. प्रसन्न देवचके निर्मित आणि संजय पाटील दिग्दर्शित चित्रपटात अभिनेता भाऊ कदम यांची मुख्य भूमिका असणार आहे.या चित्रपटाचे पोस्टर नुकतेच सोशल मीडियावर रिलीज झाले आहे.

 

Vip Gadhav 01

 

‘व्हीआयपी गाढव’ या नावावरून हा चित्रपट कॉमेडी असेल हे तुमच्या लक्षत आले असेल . ग्रामीण बाज, ठसकेबाज भाषा आणि दादा कोंडके पॅटर्न या तिघांचा मेळ असलेला हा चित्रपट प्रेक्षकांना हसून हसून लोटपोट व्हयला लावणारा आहे. या चित्रपटाची कथा डॉ.रणजित सत्रे यांची असून पटकथा डॉ.प्रसन्न देवचके यांची आहे. मोमीन कवठेकर हे या चित्रपटाचे गीतकार असून अशोक वायंगणकर यांनी या चित्रपटाला संगीत दिला आहे.

 

Vip Gadhav 02

 

अहमदनगर जिल्ह्यातील छोट्या छोट्या गावांमध्ये या चित्रपटाचे संपूर्ण शुटींग झाले आहे. या चित्रपटात भाऊ कदम यांची प्रमुख भूमिका असून शितल अहिरराव, भारत गणेशपुरे, विजय पाटकर ,पूजा कासेकर, शरद जाधव, शिल्पी अवस्थी या कलाकारांची महत्वपूर्ण भूमिका आहेत. अस्सल गावरण मेवा आणि विनोदाचा ठेवा असा हा ‘व्हीआयपी गाढव’ चित्रपट लवकरच प्रेक्षकांच्या भेटीला येणार आहे.